Home / Blogs / यामाहा फसिनो १२५ एफआइ नेपालमा सार्वजनिक
  • Latest Bikes
  • 0

यामाहा फसिनो १२५ एफआइ नेपालमा सार्वजनिक

Nepal Auto Trader

Share this News

image

नेपालको लागि यामाहा टू ह्वीलर्सको आधिकारिक वितरक एमएडब्लु इन्टरप्राइजेज प्रालिले क्लासिक युरोपियन स्टाइलको फसिनो १२५ नेपालमा सार्वजनिक गरेको छ । अल न्यू फसिनोमा १२५ सीसी एफआइ बीएस ६ इन्जिनमा सार्वजनिक भएको हो । योसँगै नेपालमा पहिलो बीएस६ इन्जिनको दुइ पाग्रे फसिनो १२५ बनेको छ । यो इन्जिल पुरानो फेसिनोको तुलनामा सशक्त छ भने यसको पावर क्षमतामा ३० प्रतिशत वृद्धि भएको कम्पनीले जनाएको छ ।

यसका साथै यो एफआई बीएस ६ इन्जिनले इन्धनको बचत समेत १६ प्रतिशत ज्यादा गर्छ । यो स्कुटरको तौल ९९ केजी रहेको छ भने यो सेग्मेन्ट कै हलुका स्कूटर पनि हो । नयाँ फसिनो १२५ एफआइमा स्मार्ट मोटर जेनेरेटर (एसएमजि) पनि जडान गरिएको छ, जसले विद्युतीय नियन्त्रणहरु प्रयोग गरेर बटनलाई एक दवाब दिने बित्तिकै सजिलै इन्जिन सुचारु गराउँछ र अन्तर्राष्ट्रिय यामाहा सिरिजहरुमा भए जस्तै साइड स्ट्याण्ड इन्जिन कट–अफ स्वीच पनि यसमा रहेको छ ।

यो स्कूटरमा यूबीएस ब्रेकिङ्ग सिस्टमका साथ फ्रन्टमा डिस्क ब्रेक रहेको छ । यसमा रहेको नयाँ विशेषताहरु र प्रविधिहरुका साथसाथै फेसिनो १२५एफआइ को बनावट क्लासिक युरोपियन स्टाइलमा रहेको छ । फसिनो १२५एफआई नेपाली बजारमा बिभिन्न ५ रङ्गहरुमा उपलब्ध रहेको छ । ‘फेस्सिनो अझै पनि यामाहा परिवारमा हामीले सुन्दै आएको एक ख्यातिप्राप्त नाम हो ।

कोरोनाका कारण वर्तमानमा घरमै बस्नुपर्ने अवस्थालाई मध्यनजर राखेर कम्पनीले नेपालभरका लागि अनलाइन सर्भिसमार्फत्सेवा पु¥याउन आफ्ना ग्राहक सहायता टिमलाई बुकिङ्गमा सहयोग प्रदान गर्न परिचालन गरेको कम्पनीले जानकारी दिएको छ । ग्राहकले यामाहाको आधिकारिक वेवसाइट  https://www.yamaha.com.np/ मार्फत यो स्कुटर बुकिङ गर्न सक्नेछन् । यसको मूल्य २ लाख ४७ हजार ९ सय रुपैयाँ तोकिएको कम्पनीले जनाएको छ ।

Our latest comments