Home / Blogs / प्यानोरमिक सनरुफको साथमा नेपाल आउँदै नयाँ सेल्टोस
  • Upcoming Cars
  • 0

प्यानोरमिक सनरुफको साथमा नेपाल आउँदै नयाँ सेल्टोस

Nepal Auto Trader

Share this News

image

दक्षिण कोरियाको अटोमोबाइल कम्पनी कियाले कम्प्याक्ट मिड साइज एसयूभी सेल्टोस प्यानोरमिक सनरुफका साथमा नेपाली बजारमा उतार्ने भएको छ ।  रिपोर्टका अनुसार कम्पनीले २७ अप्रिल २०२१ मा एउटा घोषणा गर्ने भएको छ, यद्यपि सो घोषणाको बारेमा केही जानकारी दिइएको छैन । सो रिपोर्टमा कम्पनीले २०२१ किया सेल्टोसमा एक प्यानोरमिक सनरुफ समावेश गर्ने सम्भावना रहेको जानकारीहरु बाहिरीएका छन । नेपाली बजारमा कम्प्याक्ट मिड साइज एसयूभी सेगमेन्टमा बढ्दो प्रतिस्पर्धालाई ध्यानमा राखेर सो कार अपडेट गर्ने योजना बनेको हो ।


हाललाई किया सेल्टोसमा प्यारोनमिक सनरुफ बाहेक अन्य केही परिवर्तन भने गरिने छैन । किया सेल्टोस बीएस ६ पेट्रोल र डिजेल इन्जिनमा नेपाली बजारमा उपलब्ध रहेको छ । १.५ लिटर पेट्रोल इन्जिनले ११५ बीएचपीको पावर र १४४ एनएमको टर्क जेनेरेट गर्दछ भने सो इन्जिनको साथमा ६ स्पिड म्यानुअल गियरबक्स र सीभीटी अटोमेटिक गियरबक्स रहेको छ । त्यस्तै १.४ लिटर इन्जेक्शन टर्बाे पेट्रोल इन्जिनले १४० बीएचपीको पावर र २४२ एनएमको टर्क जेनेरेट गर्दछ जसमा ६ स्पिड म्यानुअल गियरबक्स वा ७ स्पिड ड्युल क्लच ट्रान्समिशन रहेको छ ।


यसैगरी किया सेल्टोसको डिजेल मोडलमा १.५ लिटर इन्जिन उपलब्ध रहेको छ जुन इन्जिनले ११५ एचपीको पावर र २५० एनएमको टर्क जेनेरेट गर्दछ । सो इन्जिनमा ६ स्पिड म्यानुअल र ६ स्पिड टर्क कन्वर्टर अटोमेटिक गियरबक्स दिइएको छ । सेल्टोसमा ३ ड्राइभ मोड नर्मल, इको र स्पोर्ट मोड रहेको छ भने यसका साथमा ३ टेरेन मोडल वेट, मड र सैन्ड पनि उपलब्ध रहेको छ । सुरक्षाका लागि यसमा ६ वटा एयरब्याग, ईबीडी सहितको एबीएस, ईएससी, एचएसी, भीएसएम छन् । त्यसैगरी यसमा फ्रन्ट र रियर पार्किङ सेन्सर र ब्लाइन्ड भ्यु मिरर पनि रहेको छ ।


हाल नेपाली बजारमा उपलब्ध सेल्टोसको सुरुवाती मूल्य ४९ लाख ९० हजार रुपैयाँ रहेको छ भने टप भेरिएन्टको एचटीएक्स प्लसको मूल्य ६६ लाख ९० हजार रुपैयाँ रहेको छ । किया मोटर्सको नेपालका लागि आधिकारिक बितरक कन्टिनेन्टल ट्रेडिङले सेल्टोसको बिक्री बितरण गर्दै आएको छ । नेपाली बजारमा सो गाडीको प्रतिस्पर्धा महिन्द्रा एक्सयूभी ५००, टाटा ह्यारियर, जिप कम्पास र एमजी हेक्टरसँग हुँदै आएको छ । न्यू जेनेरेशन महिन्द्रा एक्सयूभी ५०० एसयूभीमा पनि प्यारोनमिक सनरुफ फिचर रहेको छ ।


 

Our latest comments