बीएमडब्ल्युले नेपाली बजारमा दुई मोटरसाइकल बीएस ६ जी ३१० जीआर र जी ३१० जीएस सार्वजनिक गरेको छ । नेपालकालागि बीएमडब्ल्यु मोटरसाइकलको आधिकारि विक्रेता हिमालयन मोटोराडले जि ३१० आर र जी ३१० जीएसको बिक्री तथा बितरण गर्दै आएको छ । कम्पनीले सो मोटरसाइकलको बुकिङ खुला भएको पनि जनाएको छ । बुकिङ गर्न चाहाने ग्राहकले ५० हजार रुपैयाँ बुझाएर बुकिङ गर्न सक्ने र प्रि–बुकिङ अफरको रुपमा २० हजार रुपैयाँ छुट र आकर्षक हेल्मेट समेत उपलब्ध गराउने कम्पनीले जनाएको छ । कम्पनीको आधिकारिक सोरुमाबाट सो बाइकको बुकिङ गर्न सकिनेछ ।

बीएमडब्लु जी ३१० आर नेकेड मोटरसाइकल हो भने जी ३१० जीएस एड्भेन्चर मोटरसाइकल हो । जी-३१० ट्वीनमा ३१३ सीसी, सिङ्गल सिलिन्डर, लिक्विड-कूल, फ्यूल इन्जेक्सन इन्जिन दिइएको छ जुन इन्जिनले ३३.५ बीएचपी पावर र २८ एनएम-टर्क जेनेरेट गर्दछ । कुल १६९ केजी तौल भएको यो बाइकलाई उत्कृष्ट ब्रेकिङ सिस्टम दिइएको छ । सो बाइकको फ्रन्ट र रियरमा १७ इन्च एलोई ह्विल दिइएको छ भने डबल च्यानल एबीएस र अगाडि ३०० एमएम डिस्क ब्रेक र रियरमा २४० एमएमको डिस्क ब्रेक दिइएको छ ।  

बीएमडब्ल्यु जी-३१० ट्वीन बाइक उत्कृष्ट डिजाइन, उच्च पर्फमेन्स र आकर्षक डिजाइनले सुसज्जित छ । । सो बाइकमा सार्प र सिल्क बडी, सिंगल–स्क्रीन, डिजिटल इन्स्टुमेन्ट कन्सोल टेकोमिटर, स्पीडोमीटर, ओडोमिटर, फियुल गेज, गियर इन्डिकेटरका साथ अन्य थुप्रै फिचरहरु समाबेश गरिएको छ । सो बाइकको लम्बाई २००५ एमएम, चौडाई ८४९ एमएम, उचाई १०८० एमएम र १३८० एमएमको ह्वीलवेस रहेको छ । १६५ एमएम ग्राउण्ड क्लियरेन्स रहेको सो बाइकमा एलइडी हेड ल्याम्प, टेल ल्याम्प, एड्भान्स स्पिडोमिटर लगायतका फिचर्स छन् । 

बीएमडब्ल्यु जी ३१० आर र जी ३१० जिएस तीन कलर अप्सनमा नेपाली बजारमा उपलब्ध रहेको कम्पनिले जनाएको छ । जी ३१० आर काइनाइट ब्लु मेटालीक, कस्मीक ब्ल्याक र लाइमस्टोन मेटालीकमा उपलब्ध छ भने जी ३१० जीएस पोलार ह्वाइट, ट्रीपल ब्ल्याक र काइनाइट ब्लस मेटालीकमा उपलब्ध रहेको छ । यस्तो छ सबै मोडलको कलर अप्सन अनुसारको नयाँ मूल्य; 

बीएमडब्ल्युका विभिन्न मोडलको नयाँ मूल्यसूची:

मोडल	इन्जिन क्षमता	नयाँ मूल्य
जी ३१० आर काइनाइट ब्लु मेटालीक	३१३ सीसी	रु. १३,७५,०००
जी ३१० आर कस्मीक ब्ल्याक	३१३ सीसी	रु. १३,५०,०००
जी ३१० आर लाइमस्टोन मेटालीक	३१३ सीसी	रु. १३,७५,०००
जी ३१० जिएस पोलार ह्वाइट	३१३ सीसी	रु. १४,७५,०००
जी ३१० जिएस ट्रीपल ब्ल्याक	३१३ सीसी	रु. १४,७५,०००
जी ३१० जिएस काइनाइट ब्लस मेटालीक	३१३ सीसी	रु. १४,७५,०००

नेपाली अटो बजार संबंधित सम्पुर्ण ताजा गतिविधि अनि जानकारीका लागी nepalautotrader.com को Twitter, Facebook, LinkedIn, Reddit पेज follow गर्नुका साथसाथै हाम्रो nepalautotrader को YouTube च्यानल पनि subscribe गर्नु होला ।