Home / Blogs / रेनो सेडान कार अब छिट्टै सार्वजनिक हुने
  • Upcoming Cars
  • 0

रेनो सेडान कार अब छिट्टै सार्वजनिक हुने

Nepal Auto Trader

Share this News

image

रेनोले आफ्नो चर्चित ह्याचव्याक कार क्वीडमा आधारित रहेर नयाँ सेडान कार उत्पादन गर्ने तयारी सुरु गरेको जनाएको छ । भारतमा उत्पादन वृद्धि गर्ने लक्ष्यकासाथ कम्पनीले नयाँ सेडान कार ल्याउन लागेको हो ।

रेनोले सन् २०२० मा आफ्नो चर्चित मोडल डस्टरको फेसलिफ्ट र क्याप्चरको फेसलिफ्ट ल्याउने यसअघि नै जानकारी दिएको थियाे । साथै, सब फोर मिटर एसयूभी सेग्मेन्टमा ‘रेनो किगर’ चाडपर्वको मुखमा ल्याउने यसअघि नै घोषणा गरिसकेको छ ।

कम्पनीले आागामी अक्टोबरसम्मका किगरलाई बजारमा उतार्ने छ । त्यसपछि मात्रै सेडान कार ल्याउने छ । कम्पनीले ल्याउने सेडान कारले बजारमा मारुती सुजुकी डिजायर, हुन्डाई आउरा, टाटा टिगोर, होण्डा अमेज, फोर्ड एस्पायर जस्ता मोडलसँग सिधा प्रतिस्पर्धा गर्ने अनुमान गरिएको छ ।

फ्रान्सेली कार निर्माता कम्पनीले ल्याउने नयाँ सेडान कारको मूल्य ५ लाख ५० हजारदेखि ९ लाख भारतीय रुपैयाँसम्म मूल्य रहने अनुमान सुरु भएको छ । उक्त नयाँ कारमा १.० लिटर टर्बोचार्ज्ड इन्जिन दिइने छ । साथै उक्त इन्जिनमा ५ स्पीड म्यानुयल र ५ स्पीड अटोमेटिक गियरबक्स रहने छ ।

Our latest comments