नेपालका लागि हुन्डाईको आधिकारीक वितरक लक्ष्मी इन्टरकन्टिनेन्टल प्रालिले कम्पनीको इन्ट्री लेभल ह्याचव्याक सेन्ट्रोको मूल्य बढाएको छ । कम्पनीले सेन्ट्रो इरा, सेन्ट्रो मग्ना, सेन्ट्रो स्पोर्टज्, सेन्ट्रो मग्ना एएमटी र सेन्ट्रो आस्टा गरी हुन्डाई सेन्ट्रो ५ भेरियन्ट नेपाली बजारमा बिक्री तथा बितरण गर्दै आएको छ । लक्ष्मी इन्टरकन्टिनेन्टलले सेन्ट्रोको इरा, मग्ना  र स्पोर्टज् भेरियन्टको मुल्य बढाएको छ भने सेन्ट्रोको मग्ना एएमटी र आस्टा भेरियन्टको मूल्य भने परिवर्तन गरेको छैन ।  अत्याधुनिक, ठूलो, फराकिलो, स्टाइलिस, आनन्ददायी र नवीनतम प्रविधिमा सो कार नेपाली बजारमा पाउन सकिन्छ ।

हुन्डाई सेन्ट्रोमा १.१ लिटर, फोर–सिलिन्डर इञ्जिन दिइएको छ जुन इञ्जिनले ६९ बीएचपी र ९९ एनएम–टर्क उत्पन्न गर्दछ । यसको पेट्रोल इञ्जिनमा फाइभ–स्पीड म्यानूअल र न्यू अप्सनल फाइभ–स्पीड एएमटी गिएरबक्स दिइएको छ । सो कारमा हलोगेन हेडल्याम्प, वाइड ग्रील, फोगल्याम्प, स्टील ह्वील, हवक्याप तथा रियर साइडमा मिड–सेट टेलल्याम्प दिइएको छ । यसकासाथै यसमा ७ इञ्च टचस्क्रिन इन्फोटेनमेन्ट सिस्टम, एप्पल कार–प्ले र एन्ड्रोइड अटोजस्ता फिचरहरु रहेका छन् । 

सुरक्षाका लागि हुन्डाई सेन्ट्रोमा इम्मोबिलाइजर, सेन्ट्रल लकिङ, फ्रन्ट फग ल्याम्प, रियर डिफगर, डे÷नाइट इन्साइड रियर भ्यु मिरर, पार्किङ असिस्ट्यान्ट सिस्टमहरु पार्किङ सेन्सर, अडियोसहितको रियर क्यामरा, ड्राइभर र पेसेन्जर दुवैका लागि एयरब्याग, सिटबेल्ट, एन्टिलक ब्रेकिङ सिस्टम, ईबीडी, स्पिड सेन्सिङ अटो डोर लक, इम्प्याक्ट सेन्सिङ अटो डोर अनलक र चाइल्ड सेफ्टी डोरलक व्यवस्था गरिएको छ । हुन्डाई स्यान्ट्रो कम्पनीकै अल न्यू के–१ प्लेटफर्ममा निर्मित भएको एक सफल गाडी हो ।

यस्तो छ हुन्डाई सेन्ट्रोको भेरियन्ट अनुसारको नयाँ मुल्य:

मोडल	इन्धन	इन्जिन क्षमता	नयाँ मुल्य
हुन्डाई  सेन्ट्रो इरा	पेट्रोल	१०८६ सिसी	रु. २५,५६,०००
हुन्डाई सेन्ट्रो मग्ना	पेट्रोल	१०८६ सिसी	रु. २७,५६,०००
हुन्डाई सेन्ट्रो स्पोर्टज्	पेट्रोल	१०८६ सिसी	रु. २९,९६,०००
हुन्डाई  सेन्ट्रो मग्ना एएमटी	पेट्रोल	१०८६ सिसी	रु. ३०,५६,०००
हुन्डाई सेन्ट्रो आस्टा	पेट्रोल	१०८६ सिसी	रु. ३२,२६,०००

नेपाली अटो बजार संबंधित सम्पुर्ण ताजा गतिविधि अनि जानकारीका लागी nepalautotrader.com को Twitter, Facebook, LinkedIn, Reddit पेज follow गर्नुका साथसाथै हाम्रो nepalautotrader को YouTube च्यानल पनि subscribe गर्नु होला ।