Home / Blogs / होन्डा क्रसओभर डब्ल्यूआरभीको फेसलिफ्ट छिट्टै सार्वजनिक हुने
  • Latest Cars
  • 0

होन्डा क्रसओभर डब्ल्यूआरभीको फेसलिफ्ट छिट्टै सार्वजनिक हुने

Nepal Auto Trader

Share this News

image

कोरोना भाइरसको कारण बजारमा बिक्री सुरु हुन नसकेको होन्डाको क्रसओभर ह्याचव्याक कार डब्ल्यूआरभीको फेसलिफ्ट अब चाँडै बिक्री सुरु हुने भएको छ । कम्पनीले ल्याउन लागेको डब्ल्यूआरभीको फेसलिफ्ट मोडल अबको केही दिनमा बिक्री सुरु हुने भएको हो ।

होन्डा डब्ल्यूआरभी बजारमा निकै रुचाईएको क्रसओभर गाडी हो । यसको फेसलिफ्टमा कम्पनीले अगाडीको बम्पर, स्लेटट फ्रन्ट ग्रिल, एलइडी प्रोजेक्टर हेडल्याम्प र टेल ल्याम्प दिइएको छ । यसको इन्टेरियरमा पनि थुप्रै परिमार्जन गर्न सकिन्छ ।

कम्पनीले डब्ल्यूआरभीलाई बीएस ६ मापदण्डको डिजेल र पेट्रोल दुबै इन्जिनमा ल्याउने जनाएको छ । यसमा १.२ लिटर पेट्रोल र १.५ लिटर डिजेल इन्जिन दिइएको छ । यसमा रहेको पेट्रोल इन्जिनले ९० बीएच पावर र ११० एनएम टर्क प्रदान गर्ने छ । यसमा ५ स्पीड म्यानुयल गियरबक्स दिइएको छ ।

साथै, यसमा १.५ लिटर डिजेल इन्जिनले १०० बीएच पावर र २०० एनएम टर्क प्रदान गर्छ । यसमा भने ६ स्पीड म्यानुयल गियरबक्स दिइएको छ ।नेपाली बजारमा स्याकार ट्रेडिङ कम्पनीले बिक्री गर्दै आएको बीएस ४ मापदण्डको डब्ल्यूआरभीको दुई भेरियन्ट बिक्री हुँदै आएको छ । डब्ल्यूआरभी एसएमटीको मुलय ४३ लाख ९० हजार र डब्ल्यूआरभी भीएक्सएमटीको मूल्य ४८ लाख ९० हजार रहेको छ ।

त्यसैगरि डिजेल इन्जिनयुक्त डब्ल्यूआरभीको एसएमटी भेरियन्टको मूल्य ४८ लाख ३० हजार र भिएक्सएमटी भेरियन्टको मूल्य ५३ लाख ६० हजार रुपैयाँ रहेको छ । नयाँ फेसलिफ्ट डब्ल्यूआरभी भारतमा सार्वजनिक भएको केही समयपछि नेपाली बजारमा आउने छ ।

Our latest comments