अहिले नेपाली बजारमा इलेक्ट्रिक साधनको माग दिनहु बढिरहेको छ, सोही क्रममा रोयल इन्फिल्डले पनि इलेक्ट्रिक बाइक सार्वजनिक गर्ने निर्णय गरेको छ । रोयल इन्फिल्डको निकै प्रख्यात मोटरबाइक मेटियर अब इलेक्ट्रिक भर्सनमा आउने भएको छ । कम्पनीले अब चाँडै नै सो इलेक्ट्रिक मोटरबाइक सार्वजनिक गर्ने भएको छ । नेपाली बजारमा समेत विभिन्न ब्रान्डका इलेक्ट्रिक टु ह्विलर हाल बिक्री भाईरहेका छन । यदी सो बाइक नेपालमा पनि सार्वजनिक भयो भने, सो इलेक्ट्रिक बाइकको सफलता राम्रै मिल्नेछ ।
कम्पनीले सो इलेक्ट्रिक मोडलको बारेमा भने अहिले केही जानकारी प्रदान गरेको छैन तर इन्फिल्ड ३५० को इलेक्ट्रिक भर्सनको चर्चा बजारमा निकै चलेको छ । रोयल इन्फिल्डले २०२३ मा पहिलो इलेक्ट्रिक बाइक सार्वजनिक गर्ने अठोट लिएको छ । हालै बजारमा रोयल इन्फिल्ड मेटियर ३५० को डमी इलेक्ट्रिक मोडलको एक झलक देखिएको छ जुन मोटरबाइक ड्युअल टोन कलर (ब्लु र ह्वाइट) थिममा रहेको छ । केही समय अघि सार्वजनिक भएको ‘मिटियोर ३५०’ सार्वजनिक पनि निकै रुचाइएको थियो ।
आउने रोयल इन्फिल्ड इलेक्ट्रिक मोटरसाइकलमा फ्युल ट्यांकको माथि ह्वाइट र तल ब्लु रङको हुने सम्भावना रहेको छ । साथै सो बाइकको ह्वील रिम्समा ब्ल्याकको साथमा ब्लु टच दिनेछ । सो मोटरसाइकलको साइड प्यानलमा नामसगैं इभी लेखिएको हुनेछ । रायल इन्फिल्ड मोटरसाइकलको २०० देखि ५०० सिसीसम्मको सेग्मेन्टमा नेपाली बजारमा निकै चर्चित छन । प्रिमियम मोटरसाइकल मनपर्नेहरुको लागि रोयल इन्फिल्ड युवा बर्गको लागि मात्र नभई सबैको रोजाईमा पर्ने गरेको छ । सो बाइक नेपाली बजारमा पनि छिट्टै सार्वजनिक हुनेछ ।
PREVIOUS NEWS