दक्षिण कोरिया कार निर्माता कम्पनी हुन्डाई मोटर इन्डियाले भारतमा लोकप्रिय फेमिली कार स्यान्ट्रोको बीएस६ भर्सनको तथ्य सार्वजनिक भएको छ । कम्पनीले सो कार चाँडै नै  सार्वजनिक गर्नेछ । सो कार बीएस६ भेरिएन्टमा १.१ लिटर इन्जिनको साथमा लन्च हुनेछ ।

हुन्डाई स्यान्ट्रो बीएस६को डिजाइनमा केही परिवर्तन गरिएको छैन । सो कारमा हाल उपलब्ध मोडलकै डाइमेन्सन समावेश गरिएको छ । यसको ह्विलबेस २४०० एमएम र ह्विल १४ इन्चको रहेको छ । कारमा ड्युअल टोन फाइभ स्टार क्याबिन समावेश गरिएको छ ।

हुन्डाई स्यान्ट्रोमा १.१ लिटरको पेट्रोल इन्जिन जडान गरिएको छ जसले ६८ बीएचपीको पावर र ९९ एनएमको टर्क जेनेरेट गर्छ । यसको साथै कारमा ५ स्पिड अटोमेटिक र म्यानुअल ट्रान्समिसन गियरबक्समा उपलब्ध रहेको छ । म्याग्ना र स्पोर्ट भेरिएन्टमा ५ स्पिड एएमटी गियरबक्स विकल्प पनि रहेको छ । कारको माइलेज १५० किलोमिटर प्रतिघन्टा रहेको छ ।

सो कारमा एबीएस र ड्राइभर एयर ब्याग सबै भेरिएन्टमा स्ट्यान्डर्ड दिइएको छ । टप मोडलमा ड्राइभरको साथै प्यासेन्जर एयर ब्याग पनि समावेश गरिएको छ । पछाडिको सिटको लागि रियर एसी भेन्ट पनि समावेश गरिएको छ ।

यसको साथै कारमा फ्याक्ट्री फिटेड सीएनजी किटको विकल्प पनि रहेको छ र यो म्यानुअल ट्रान्समिसन गियरबक्सको साथमा उपलब्ध रहेको छ । स्यान्ट्रोको सीएनजी मोटरले ५८ बीएचपीको पावर र ८४ एनएमको टर्क जेनेरेट गर्छ । सीएनजी भेरिएन्टमा म्यानुअल गियरबक्समा मात्र उपलब्ध रहेको छ ।