निसान किक्स अपग्रेड भर्सन नेपाली बजारमा सार्वजनिक भएको छ। दि इन्टेलिजेन्ट एसयुभीलाई दि एक्सभी प्रिमियम अप्सनमा गाडी ल्याएको छ। कम्पनीका अनुसार निसान किक्स एक आरामदायी, सुरक्षित र उत्कृष्ट डिजाइनको उपयुक्त मिश्रण हो।

यो गाडीमा प्रिमियम अप्सनमा फर्स्ट क्लास अराउण्ड भ्यू मोनिटर छन्, जसका चार क्यामेराको सहायताले चालकलाई बर्डस् आई भ्यू, फ्रन्ट भ्यू, साइड भ्यू, र रेयर भ्यू मिल्नुका साथै गाडी वरिपरिको ३६० डिग्री दृश्य एउटै स्क्रिनमा हेर्न सकिने छ । यो गाडी विभिन्न ७ रंग बाहेक अरु ४ ड्युल टोलमा पनि उपलब्ध छ ।

डिजेल र पेट्रोल दुबै अप्सनमा उपलब्ध रहने किक्समा १.५ लिटरको इन्जिन लगाइएको छ । यसमा दिइएको १४९८ सीसी क्षमता पेट्रोल इन्जिनले १०६ पीएस पावर र १४२ एनएम टर्क जेनेरेट गर्छ भने डिजेल इन्जिनले ११० पीएस पावर र २४० एनएम टर्क जेनेरेट गर्छ । किक्सको पेट्रोल भेरियन्टले १४ किलोमिटर र डिजेल भेरियन्टले २० किलोमिटर प्रतिलिटर माइलेज दिने कम्पनीको दाबी छ । 

किक्समा स्ट्यान्डर्ड फिचरको रुपमा सबै भेरियन्टमा ड्यूल फ्रन्ट एयरव्याग, ईबीडीसहितको एबीएस, आईएसओफिक्स चाइल्ड सिट माउन्ट रहनेछ । यसको टप भेरियन्टमा साइड–एयरव्याग, ईएसपी र हिल–स्टार्ट असिस्टको फिचर पनि रहनेछ । 

यसमा भी मोशन फ्रन्ट ग्रिल, मेसिब ह्वील आर्क, रेक्ड ए पिलर एलइडी हेडल्याम्प र बुमरेज सेप टेलल्याम्प दिइएको छ । निसान किक्सको अन्य फिचरहरूमा एलईडी प्रोजेक्टर हेडल्याम्प, रेन्सेन्सिङ्ग वाइपर, कुल्ड र इलूमिनेटेड ग्लोभ–बक्स, क्रूज कन्ट्रोल र ८ इन्चको एन्ड्रोइड अटो तथा एप्पल कार–प्ले सपोर्ट गर्ने इन्फोटेन्मेन्ट सिस्टम रहेको छ । 

युवा पुस्तालाई आकर्षित गर्न नोवल कलरमा एसयूभीको ड्यासबोर्ड सजाईएको छ । ८ इन्चको टचस्कृन इन्फोटेन्टमेन्ट सिस्टम दिइएको छ, जसले एप्पल कार प्ले र एन्ड्रोइड अटो सपोर्ट गर्ने छ । साथै, यसमा अटोमेटीक क्लाईमेट कन्ट्रोलजस्ता फिचर दिइएको छ ।