रेनोको नेपालका लागि आधिकारिक वितरक एड्भान्स्ड अटोमोबाइल्सले रेनो काइगरको थप दुई भेरियन्ट नेपाली बजारमा सार्वजनिक गरेको छ । कम्पनीले १.० लिटर टर्बो इन्जिनमा दुई भेरियन्ट नेपाली बजारमा उपलब्ध गराएको हो ।  दुबै भेरियन्ट म्यानुयल गियरबक्समा उपलब्ध रहेको छ ।  रेनो काइगर एसयूभी अब विभिन्न ६ भेरियन्टमा उपलब्ध छ ।  यसअघी रेनो काइगर १.० लिटर नेचुरल्ली एस्पीरेटेड इन्जिनमा मात्रै उपलब्ध थियो । कम्पनीका अनुसार रेनो काइगर आधुनिक एसयूभी हो जुन नेपाली बजारका लागि पर्फेक्ट फिट छ । 

रेनो काइगरमा रहेको ९९९ सीसी क्षमताको टर्बो इन्जिन रहेको छ जुन इन्जिनले अधिकतम ५००० आरपीएममा ९९ हर्स पावर र २८०० आरपीएममा १६० एनएम टर्क प्रदान गर्दछ । यसमा ५ स्पीड म्यानुयल गियरबक्स दिइएको छ । रेनो काइगरको लम्बाई ३९९१ एमएम, चौडाई १७५० एमएम, उचाई १६०५ एमएम र २५०० एमएमको ह्वीलवेस रहेको छ । सो एसयूभीमा १६ इन्चको अलोय ह्वील समावेश गरिएको छ । २०५ एमएम ग्राउण्ड क्लियरेन्स रहेको सो एसयूभीमा धेरै फिचरहरु समाबेश गरिएको छ ।

रेनो काइगरमा थुप्रै बिशेषताहरु दिइएको छ । यसमा स्प्लीट हेडल्याम्प, एलइडी डेटाइम रनिङ लाइट, नयाँ डायमन्ड कट अलोय ह्वील, ग्रे कलरको रुफरेल, एलइडी टेलल्याम्प, हाइ माउन्टेड टपल्याम्प, अगाडि र पछाडि स्कीड प्लेट, व्ल्याक ह्वील आर्क, ड्यूल टोन ड्यासबोर्ड छन । यसमा ८ इन्चको इन्फोटेन्टमेन्ट सिस्टम दिइएको छ जसले एप्पल कार प्ले र एन्ड्रोइड अटो दुबै सपोर्ट गर्दछ । त्यस्तै यसमा ७ इन्चको फुल डिजिटल इन्ट्रुमेन्ट क्लष्टर, अटोमेटिक क्लाइमेट कन्ट्रोल, मल्टी फङ्गशनल स्टेरिङ, क्रुज कन्ट्रोल जस्ता फिचर पाउन सकिन्छ ।

रेनो काइगर व्ल्यू, ब्राउन, सिल्भर, ग्रे र आइस कुल ह्वाइट गरी विभिन्न ५ कलरमा उपलब्ध रहेको छ । एड्भान्स अटोमोबाइलले देशका १५ स्थानमा शोरुम बिस्तार गरेको यसको बिक्री गरिरहेको जनाएको छ  । रेनो काइगरले नेपाली बजारमा किया सोनेट, हुन्डाई भेन्यु, महिन्द्रा एक्सयूभी३००, सुजुकी भिटारा ब्रेजा, फोर्ड इकोस्पोर्ट, टाटा नेक्सन र निसान म्याग्नाइट जस्ता कारसँग प्रतिस्पर्धा गर्नेछ ।  यस्तो रहेको छ रेनो काइगरको भेरियन्ट अनुसारको मूल्य ।

यस्तो रहेको छ भेरियन्ट अनुसारको मूल्य ।

मोडल	इन्जिन क्षमता	नेपाली मुल्य
रेनो आरएक्सई म्यानुयल	९९९ सीसी	रु. २९,९९,०००
रेनो आरएक्सएल म्यानुयल	९९९ सीसी	रु. ३१,८०,०००
रेनो आरएक्सएल एएमटी	९९९ सीसी	रु. ३३,९९,०००
रेनो आरएक्सटी म्यानुयल	९९९ सीसी	रु. ३४,७०,०००
रेनो  आरएक्सटी एएमटी	९९९ सीसी	रु. ३६,४९,०००
रेनो आरएक्सजेड म्यानुयल	९९९ सीसी	रु. ३८,३९,०००

नेपाली अटो बजार संबंधित सम्पुर्ण ताजा गतिविधि अनि जानकारीका लागी nepalautotrader.com को Twitter, Facebook, LinkedIn, Reddit पेज follow गर्नुका साथसाथै हाम्रो nepalautotrader को YouTube च्यानल पनि subscribe गर्नु होला ।