Home / Blogs / निसान म्याग्नाइट सार्वजनिक; नेपालमा २०२१ मा सार्वजनिक हुने
  • Upcoming Cars
  • 0

निसान म्याग्नाइट सार्वजनिक; नेपालमा २०२१ मा सार्वजनिक हुने

Nepal Auto Trader

Share this News

image

निसान मोटर्सको बहुप्रतीक्षित क्रसओभर म्याग्नाइटको अनलाइनमार्फत ग्लोबल रुपमा सार्वजनिक भएको छ । बिग, बोल्ड र ब्युटीफुल मानिएको यो एसयूभीलाई कम्पनीले बी–एसयूभीका रुपमा परिभाषित पनि गरेको छ । नेपालस्थित आधिकारिक वितरक पायोनियर मोटोकर्पले एक प्रेस विज्ञप्ति प्रकाशन गर्दै सन् २०२१ को जनवरी महिनामा यसलाई नेपाली बजारमा भित्र्याउने तयारी थालिएको बताएको छ ।


सो निसान गाडीमा स्पोर्टी लुक्स सहित एलईडी हेडल्याम्प, एलईडी डीआरएल, फ्लोटिङ्ग रुफ, ड्युअल टोन बडी पेन्ट, ड्युअल टोन रियर बम्पर जस्ता विशेषताहरु समावेश गरिएका छन् । निसान म्याग्नाइट १.० लिटर पेट्रोल इन्जिनको दुईवटा भेरिएन्टमा उपलब्ध हुनेछन, जसमा एउटा नेचुरल्ली एस्पिरेटेड इन्जिन र अर्काेमा टर्बोचार्ज्ड इन्जिन हुनेछ । निसान म्याग्नाइटमा ८ इन्च फुल फ्लस टचस्क्रिन इन्फोटेन्मेन्ट सिस्टम, ७ इन्च टीएफटी ड्राइभ असिस्ट डिस्प्ले, टायर प्रेसर मोनिटर सिस्टम, क्रुज कन्ट्रोल, ३६० डिग्री क्यामेरा लगायत विभिन्न फिचरहरु पनि उपलब्ध छन् ।


विभिन्न अत्याधुनिक विशेषताहरु समावेश भएको निसान म्याग्नाइट आफ्नो सेगमेन्टको गेम चेन्जर बन्ने अपेक्षा गरिएको छ । यो एसयूभीलाई उचित मूल्यमा नेपाल भित्र्याउने पायोनियर स्रोतले बताएको छ । नेपाल भित्रिएपछि यसको सिधा प्रतिस्पर्धा हुन्डाई भेन्यु, महिन्द्रा एक्सयूभी ३००, टाटा नेक्सन, सुजुकी ब्रेजा र फोर्ड इकोस्पोर्टसँग हुनेछ । सो गाडीको मुल्य भने सार्वजनिक भएको छैन ।

Our latest comments