नेपाली बजारमा प्रबेश गर्ने तयारी भइरहेको जावाले भारतीय बजारमा आफ्नो तेस्रो मोडल सार्वजनिक गरेको धेरै समय भएको छैन । जावा पेराक एक बबर र कस्टम स्टाइल बाइक हो । । यो भन्दा पहिले लन्च भएका जावा र जावा फोर्टी टु बाइक भारतमा राम्रो बिक्री भइरहेको कम्पनीले जानकारी दिएको छ । जावा पेराकको नाम दोस्रो विश्वयुद्धको समयमा पेरिसमा भाएको मोटर शोमा पेश गरिएको पेराक बाइकबाट लिइएको हो ।
नयाँ पेराक बाइकमा ३३४ सीसीको सिंगल सिलिन्डर, लिक्विड कुल्ड इन्जिन जडान गरिएको छ जसले ३० बीएचपीको पावर र ३१ न्युटन मिटरको टर्क जेनेरेट गर्छ । सो बाइकमा ६ स्पिड गियरबक्स समावेश गरिएको छ भने सुरक्षाको लािग ड्युअल च्यानल एबीएस दिइएको छ । दुबै चक्कामा डिस्क ब्रेक दिइएको बाइकमा इन्टिग्रेटेड टेल लाइट, टियरडप फ्युल ट्यांक र वाइड ह्यान्डलबार रहेका छन् ।
जावा पेराकलाई कम्पनीले म्याट व्ल्याक कलरको साथ फिउल ट्याङकमा गोल्ड हाइलाइट्स सहित ल्याउने छ । सिंगल बबर स्टाइल सिट यसको मुख्य आर्कषण हो । कम्पनीले यसमा पुरानै इन्जिन दिएको भएपनि यसको पावर भने केही बढी रहेको छ । यद्यपी कम संख्यामा उत्पादनको कारण जावा किन्न चाहनेले करिब ४ देखि ६ महिना कुर्नु पर्ने अवस्था रहेको छ ।
कम्पनीले भारतमा यसको मूल्य १ लाख ९४ हजार भारु तोकिएको छ । यसको बुकिङ आगामी जनवरी १ देखि शुरु हुनेछ । जावाका उत्पादन २०२० को मध्यसम्ममा नेपाली बजारमा बिक्री सुरु हुने महिन्द्रा स्रोतले जानकारी दिएको छ ।
NEXT NEWS