Home / Blogs / हिरो एक्स्ट्रीम १६० आर अब नेपाली बजारमा; यस्तो छ मुल्य
  • Latest Bikes
  • 0

हिरो एक्स्ट्रीम १६० आर अब नेपाली बजारमा; यस्तो छ मुल्य

Nepal Auto Trader

Share this News

image

हिरोको बहुप्रतीक्षित बाइक एक्सट्रिम १६० आर नेपाली बजारमा भित्रिएको छ । हिरोको आधिकारीक वितरक नेपाल जनरल मार्केटिङले एक्स्ट्रीम १६० आर नेपाली बजारमा उतारेको हो । नेपाल जनरल मार्केटिङ प्रालिले आधिकारिक रुपमा सो मोटरबाइकको बारेमा भने केही घोषणा गरेको छैन तर यसको मूल्य सूची भने सार्वजनिक गरेको छ । कम्पनीले नेपाली बजारमा यसको आधिकारीक विक्री केहि दिनमै सुरु गर्ने जानकारी दिएको छ । निकै पहिले देखि नै सो बाइक उपलब्ध हुने बताइएको थियो । 


हिरो एक्स्ट्रीम १६० आरमा १६० सीसी एफआई इन्जिन दिइएको छ जुन इन्जिनले ८५०० आरपीएममा १५.२ बीएच पावर र ६५०० आरपीएममा १४ एनएम टर्क प्रदान गर्दछ । बीएस ६ मापदण्डको इन्जिनमा बनेको सो मोटरबाइकमा अटो शेल टेक्नोलोजी प्रयोग गरिएको छ । सो बाइकमा ६ स्पिड गियरबक्स समावेश गरिएको छ । हिरो एक्सट्रिम १६०आर डबल डिस्क भेरिएन्टमा उपल्बध हुनुका साथै यसमा सिंगल च्यानल एबीएस पनि रहेको छ । सो बाइकको अगाडि ३७ एमएमको फर्क र पछाडि ७ स्टेप एड्जस्टेवल मोनोशक दिइएको छ ।


हिरोले एक्स्ट्रीम १६० आरमा आकर्शक फिचरहरु उपलब्ध गराएको छ । कम्पनीले यसमा सबै किसिमका लाइट एलइडी प्रयोग गरेको छ भने साइड स्ट्यान्डर्ड इन्जिन कट अफ जस्ता  फिचर समाबेश गराएको छ  । त्यस्तै सो मोटरबाइकमा पूर्णत डिजिटल डिस्प्लेको प्रयोग गरिएको छ । यसले ० देखि ६० किलोमिटरको स्पीड भेट्टाउन केवल ४.७ सेकेन्ड मात्र समय लगाउने कम्पनिको दाबी छ । डायमन्ड फ्रेम चेसिसमा आधारित सो बाइकको कुल वजन १३८.५ किलोग्राम रहेको छ । यसको ग्राउन्ड क्लियरेन्स १६५ एमएम रहेको छ ।


एक्सट्रिम १६० आर हिरो मोटोकर्पको पहिलो १६० सीसीको बाइक हो ।  त्यस्तै बीएस ६ मापदण्डको इन्जिनमा रहेको सो मोटरबाइक नेपालमा कम मूल्यको (बीएस ६ मा आधारित) पहिलो मोटरसाइकल हुने भएको छ । यसलाई एनजीएमले ३ लाख ३९ हजार नेपाली बजार मूल्य निर्धारण गरेर अब छिट्टैनै विक्री बितरण गर्दैछ । हिरो एक्स्ट्रीम १६० आरले नेपाली बजारमा यामाहा एफजेडएस भी थ्री, सुजुकी जिक्सर १५०टीभीएस आरटीआर १६० फोर भीसँग सिधा प्रतिस्पर्धा गर्नेछ ।

Our latest comments