Home / Blogs / ‘हिरो हङ्क १५० आर एबीएस’ नेपाली बजारमा सार्वजनिक हुँदै
  • Latest Bikes
  • 0

‘हिरो हङ्क १५० आर एबीएस’ नेपाली बजारमा सार्वजनिक हुँदै

Nepal Auto Trader

Share this News

image

नेपालमा हिरो बाइकको आधिकारिक विक्रेता नेपाल जेनेरल मार्केटिङले अब छिट्टै नै नेपाली बजारमा हिरो हङ्क १५० आर एबीएस सहित सार्वजनिक गर्ने भएको छ । नेपाल जेनेरल मार्केटिङले अबको केहि दिन भित्रै यसको आधिकारीक विक्री बितरण सुरु गर्ने तयारी भइरहेको जनाएको छ । सन २०१७ मा विक्री बन्द भएको सो मोटरबाइक अब नेपाली बजारमा हङ्क १५० आर नाम लिएर आउन लागेको हो । नेपाल जेनेरल मार्केटिङले हालै बढेको मोटरबाइकहरुको मूल्य पनि सार्वजनिक गरेको छ ।


हिरो हङ्क १५० आरमा १४८ सीसी सिंगल सिलिन्डर एयरकुल्ड इन्जिन दिइएको छ जुन इन्जिनले अधिकतम ८५०० आरपीएममा १४.१४ बीएच पावर र ६५०० आरपीएममा १२.६ एनएम टर्क जेनेरेट गर्दछ । सो बाइकमा ५ स्पिड गियरबक्स समावेश गरिएको छ । त्यसैगरी यसमा डबल डिस्क ब्रेक दिनुका साथै मोटरबाइकमा एबीएस पनि जडान गरिएको कम्पनिले जनाएको छ । बाइकमा अपसाइड डाउन मोनोसक सस्पेन्सन र १६ इन्चको अलोय ह्वीलको पनि प्रयोग गरिएको छ ।  


कम्पनीले हिरो हङ्क १५० आरमा विभिन्न ६ कलर भेरियन्टमा उपलब्ध गराउने जानकारी दिएको छ । यसमा सेमिडिजिटल कन्सोल तथा डिजिटल स्पिडोमिटर, टेकोमिटर, एनालग ट्रिपमिटर, पास लाइट, एच फोर ब्ल्यु टिंङ्ग हेडलाइट, एलइडी टेललाइट तथा एक्जुलरि लाइटको विशेषता पनि  दिइएको छ । १४५ एमएमको ग्राउण्ड क्लियरेन्स उपलब्ध यो मोटरसाइकलमा १३२५ एमएमको ह्वीलवेस र १२.४० लिटर क्षमताको इन्धन ट्याङ्क दिइएको छ । सो मोटरबाइकको तौल १४६ के.जि रहेको छ  ।


हिरो हङ्क १५० आर मोटरसाइकललको नेपाली बजार मूल्य २ लाख ८० हजार रुपैयाँ हुने अनुमान गरिएको छ । नेपाली बजारमा हिरो हङ्क १५० आरको प्रतिस्पर्धी बजाज पल्सर १५०, आरटीआर १६० टु भी, होन्डा युनिर्कन जस्ता मोटरसाइकल हुने कम्पनिको दाबी छ । सार्वजनिक लगतै नेपालमा हङ्क १५० आर एबीएस फिचर भएको सबैभन्दा सस्तो मोटरसाइकलको हुने छ । हिरो वाइकको केही सस्ता मोटरसाइकलहरु पनि पहिले देखी नै नेपाली वजारमा बिक्री बितरण हुँदै आएका छन । 

Our latest comments